नाते

सारे बिघडल्यासारखे !मोडून पडल्यासारखे !
ओठांवरी येई हसू - आतून ऱडल्यासारखे !

दाही दिशा म्हणतात या -`झाले जखडल्यासारखे !!`
सोडू नको गाणे़, जरी -जगणे भरडल्यासारखे !

बघणे तुझे माझ्याकडेचोरी पकडल्यासाऱखे !
का वाटले वळणावरी पाऊल अडल्यासारखे !

आयुष्य संपू लागले...वाया दवडल्यासारखे !
बरसायच्या आधीच का वाटे उघडल्यासारखे ?

देहावरी या बंधने...मनही मुरडल्यासारखे !
स्मित गूढ आहे का तुझे अर्थात दडल्यासारखे !

वागून वागावे कसे...?काही न घडल्यासाऱखे !
लिहिलेस माझे नाव तूतेही घुसडल्यासारखे !

होऊन मी बोलू किती ? माझेच नडल्यासारखे !
आठ्या कपाळी़... ओठही -होते दुमडल्यासारखे !

माझे-तुझे नाते जणू दुखणे रखडल्यासाऱखे !

कवी- प्रदीप कुलकर्णी